منتديات الجيل الحر
أهلا وسهلا بك زائرنا الكريم ، يسر إدارة وأعضاء منتديات الجيل الحر أن تنضم لأسرة المنتدى .. تسجيلك فى المنتدى يشرفنا ويسعدنا .. وأهلا وسهلا بك .

منتديات الجيل الحر

مرحبا بك يا زائر فى منتديات الجيل الحر
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
مجلة الجيل الحر: أنتظرونا أعضائنا الكرام لآصدار مجلة الجيل الحر والتى جارى الاعداد لها بناء على إقتراح الاخت الزميلة ( رونــــــــــى ) بأنشاء المجلة .. سيتم أنشائها قريبا .... فأنتظرونا ....

شاطر | 
 

 المواطن تحت رحمة حضرة الصول

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
الحلوانى
المدير العام
المدير العام
avatar

تاريخ التسجيل : 18/05/2008
عدد الرسائل : 526
العمر : 50
الدوله : مصر
نقاط : 4202
السٌّمعَة : 11

مُساهمةموضوع: المواطن تحت رحمة حضرة الصول   2008-11-27, 1:41 pm


بقالنا أربعة شهور من ساعة تطبيق قانون المرور الجديد ..
الواحد كان بيتمنى ان الشوارع حالها ينصلح بس الواضح ان القانون ماعملش غير انه بيطحن الناس ويفلسهم..
لو كان المخالف بس اللى بيتعاقب كنا قلنا ماشى بس العملية زاطت..
اما تلاقى كل شوية امين شرطة بيستعبط على الناس عشان يلم المعلوم ..
يبقى اللى اتغير بس ان المعلوم سعره زاد عشان الغرمات ولعت" الخمسة والعشرة جنية اتلغت خلاص"..
وكل واحد سايق دلوقتى بقى ممكن يلاقى نفسه مفلس اى وقت..

كان زمان يقولك الواحد اشترى عربية ومش قادر يصرف عليها "تصليح يعنى "
دلوقتى اللى معاه عربية محتاج يكون معاه كده على الماشى يعنى 10.000 جنيه لوزوم غرمات مثلا..
اما تلاقى ان المثلث العاكس اللى كان بيتباع ب 20 جنية وصل سعره تانى يوم من تطبيق القانون 90 جنية .
ده نسميه ايه !
و طالعة اشاعة ان المثلث ده هيتباع فى المرور ب 100 جنية ..بيقولك عشان مطابق للموصافات..
وشوف بقى شنطة الإسعافات الاولية هاتبقى بكام..."تفتكر مين المستفيد من ده كله !"
لا وقمة التهريج اما يقولك ان من مواصفات شنطة الإسعافات الاولية ان يكون فيها تلج..
على اساس اننا عايشين فى القطب الشمالى..
من يومين كانوا عاملين لجنة فى خالد ابن الوليد ولمين رخص بالكوم عشان ايه يا ترى..
بيقولك اللى مش حاطط الطفاية تحت مقعد السائق و حاططها فى الشنطة .. اسحب رخصته
"قانون المرور الجديد في 3 كلمات .. المخالفة ..الغرامة..العقوبة " انا شايف انهم حذفوا المخالفة..
فهو مخالفة وعقوبة لكل من تسول له نفسة ركوب السيارة..
ده المخلفات فى القانون الجديد:
المخالفة الغرامة العقوبة
*عدم ارتداء السائق حزام الأمان 100 إلى 300 جنيه الحبس من 1 شهر إلى 3 أشهر
*استخدامك التليفون المحمول يدويا 100 إلى 300 جنيه لا يوجد
*السير عكس الاتجاه 1000 إلى 3000 جنيه لا يوجد
*الانتظار الخاطيء لا يوجد سحب رخصة القيادة مدة لا تقل عن شهر
*إزالة أو فك الكلابش بمعرفتك 200 إلى 1000 جنيه الحبس مدة لا تزيد عن ستة أشهر
*ارتكاب أفعال مخالفة للآداب العامة داخل السيارة _ ليس أقل من 300 جنيه _الحبس مدة لا تزيد عن ستة أشهر
*قيادة المركبة ليلا بدون استعمال الأنوار الأمامية المقررة والأنوار الخلفية الحمراء أو عاكس الأنوار المقررة لا يوجد سحب رخصة القيادة مدة لا تقل عن ستة أشهر
*قيادة المركبة في مواكب خاصة دون تصريح لا يوجد سحب رخصة القيادة لمدة لا تقل عن شهر
*عدم وجود مثلث عاكس للرؤية لا يوجد سحب رخصة القيادة لمدة لا تقل عن شهر
*عدم وجود حقيبة إسعافات أولية بسيارتك لا يوجد سحب رخصة التسيير مدة لا تقل عن شهر
استخدام الأنوار المبهرة ليلا لا يوجد سحب رخصة القيادة مدة لا تقل عن شهر
*عدم استخدام غطاء الرأس الواقي أثناء قيادة الدراجة النارية
ليست أقل من 100 جنيه لا يوجد
*الامتناع عن نقل الركاب (بالنسبة للمركبات الأجرة)
300 إلى 1500 جنيه لا يوجد
*القيام بطلب اجر أكثر من المقرر (بالنسبة للمركبات الأجرة)
300 إلى 1500 جنيه لا يوجد
*نقل عدد من الركاب يزيد عن الحد الأقصى المقرر (بالنسبة للمركبات الأجرة)
300 إلى 1500 جنيه لا يوجد
* نقل الركاب من غير مواقف الانتظار المخصصة (بالنسبة للمركبات الأجرة)
إلى 1500 جنيه لا يوجد
* مخالفة خط سير المركبة الاجرة المحدد لا يوجد سحب رخصة القيادة مدة لا تقل عن شهر
*السير بالسيارة الأجرة بعطل العداد لا يوجد سحب رخصة القيادة مدة لا تقل عن شهر

مش معنى كدة ان القانون ماعملش حاجة كويسة بس يا رب يتطبق..

وبالنسبة للتاكسي ، أحال القانون سيارات التاكسي التي يزيد عمرها عن 20 سنة إلى ذاكرة التاريخ ، حيث يتم تكهينها أو تحويلها إلى سيارة ملاكي لمنع تعطل المرور بسبب تعطلها في الشوارع وعلى الكباري والأنفاق وتقليل نسبة التلوث وأعطى القانون مهلة 3 سنوات لأصحاب سيارات التاكسي لتوفيق أوضاعهم عن طريق نفس الصندوق والحصول على سيارة حديثة بالغاز والعدادات "الديجتال" ويأخذ صاحبها نفس اللوحة على التاكسي القديم.
لن يسمح القانون الجديد بإنشاء مطبات إلا بترخيص من الحي بعد تشكيل لجنة يشارك فيها خبراء المرور ويتم إنشاء مطبات قانونية ذات ألوان مميزة وعلامات تحذيرية ، أما إقامة السلاسل فقد حذر القانون أصحابها بإزالتها على نفقتهم الخاصة مع الغرامة أو الحبس.
وأضاف القانون الجديد للمرور إمكانية دفع المخالفات فوريا ، كما أن المخالف يمكنه دفع نصف الحد الأدنى للمخالفة في الحال وتنقضي بذلك العقوبة فورا ، وإذا لم يدفعها فورا حدد له القانون ثلاثة أيام للذهاب إلى نيابة المرور وفي هذه الحالة يدفع الحد الأدنى ، لكن إذا لم يذهب إلى نيابة المرور خلال ثلاثة أيام يكون مصيره محكمة المرور عند التجديد وفي هذه الحالة يدفع الحد الأقصى للعقوبة. "او تدفع المعلوم الفورى .. معلش نسوا يقولوها فى القانون"

البلد فيها حالة تهريج فى كل حاجة..
يقولوا تعديل نقول ماشى يمكن تفلت المرة دى ويتعمل صح..
بس الواضح ان طول الناس مش هاتغير تفكيرها .. مافيش قانون يقدر يغيرها
طول ما الواسطة والمحسوبية فى كل حاجة..
طول ما المعلوم عرف..
يبقى مافيش فايدة..

__________________________________________________________________________________________________
........................................
الرجوع الى أعلى الصفحة اذهب الى الأسفل
http://elhalawani.yoo7.com
 
المواطن تحت رحمة حضرة الصول
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجيل الحر :: المنتديات العامة :: المنتدي العام-
انتقل الى: