منتديات الجيل الحر
أهلا وسهلا بك زائرنا الكريم ، يسر إدارة وأعضاء منتديات الجيل الحر أن تنضم لأسرة المنتدى .. تسجيلك فى المنتدى يشرفنا ويسعدنا .. وأهلا وسهلا بك .
منتديات الجيل الحر
أهلا وسهلا بك زائرنا الكريم ، يسر إدارة وأعضاء منتديات الجيل الحر أن تنضم لأسرة المنتدى .. تسجيلك فى المنتدى يشرفنا ويسعدنا .. وأهلا وسهلا بك .
منتديات الجيل الحر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الجيل الحر

مرحبا بك يا زائر فى منتديات الجيل الحر
 
الرئيسيةأحدث الصورالتسجيلدخول
مجلة الجيل الحر: أنتظرونا أعضائنا الكرام لآصدار مجلة الجيل الحر والتى جارى الاعداد لها بناء على إقتراح الاخت الزميلة ( رونــــــــــى ) بأنشاء المجلة .. سيتم أنشائها قريبا .... فأنتظرونا ....

 

 عفوا..الشباب المصرى غير متاح حالياً!!

اذهب الى الأسفل 
3 مشترك
كاتب الموضوعرسالة
الحلوانى
المدير العام
المدير العام
الحلوانى


تاريخ التسجيل : 18/05/2008
عدد الرسائل : 526
العمر : 56
الدوله : مصر
نقاط : 6501
السٌّمعَة : 11

عفوا..الشباب المصرى غير متاح حالياً!! Empty
مُساهمةموضوع: عفوا..الشباب المصرى غير متاح حالياً!!   عفوا..الشباب المصرى غير متاح حالياً!! Icon_minitime2008-12-13, 10:11 pm

هل أنت ولامؤاخذة مثقف؟؟
هل فكرت وغامرت واتهورت مرة وقريت كتاب؟؟
بتقرا حاجة غير مجلة ميكي ؟؟
عندك مصدر بتجيب منه معلومات غير قعدة القهوة؟؟
تعرف يعني إيه حزب؟؟
هل تعلم ماهى الليبرالية والفدرالية والإشتراكية ؟؟
ياترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدراسات والأبحاث تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!! -يعني احنا شباب تمام..في العصر التمام-حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64%-لا شباب متدين صحيح-

أما
في الصحافة الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس-يا حلاوة!!-..و الكارثة بجد هى وجود أكثر من 74 % من الشباب لا يعرف اسم أول رئيس للجمهورية -محمد نجيب يعني-وذكر أيضاً أن 19 % يظنون أن مصر فيها حزب واحد فقط-أكيد قصدهم على حزب النادي الأهلي-..بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%)..مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم..وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم..

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!.. فى حين إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت..عشان كده بيتقدموا..

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

فى الحقيقه الكلام ده قلقني جامد فقلت لازم أطمن على الأرقام دي بنفسي.. وعلى الشباب الجامعي المثقف..فنزلت للجامعة وعملت استطلاع لعينة عشوائية من طلاب الجامعه ( 20 طالب ) وكانت النتيجة ان معظم الطلاب 17طالب يستخدمون النت للشات ( مش للبحث العلمي لا سامح الله ) وإن 15 طالب لا يقرأون إلا الكتب الدراسية (ده إذا كانوا بيفتحوها أساساً ) ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل -الحمد لله أهو لقينا حد بيقرا حاجة-..

طبعاً مش لازم تبقى محمد حسنين هيكل..ولا لازم تكون فهمي هويدي-مصيبة لا تكون مش عارف دول كمان-لكن على الأقل تكون فاهم..وعارف..وداري باللي بيجرا حوليك فاهم العالم ماشي إزاي ومين عايز إيه؟؟ ومين بيعمل إيه عشان يكسب إيه؟؟وقبل كل ده تكون عارف كويس..أنت عايز إيه؟؟

لأن فعلاً جهلنا واضمحلال ثقافتنا في كل شئ خلانا أمة نايمة مش بتفكر ولا عايزة تفكر..دماغنا فاضية..مفيهاش أي حاجة..ولا أي قضية..ولا عايشين لهدف..وكل اللي نعرفه في حياتنا..وكل معلوماتنا..عن الممثلين والكورة..حتى ديننا منعرفش عنه إلا الوضوء والصلاة اللي اتعلمناهم واحنا صغيرين..فحين إن العالم كله بيتقدم بسرعة جنونية..واحنا لسه محلك سر!!..
يا ترى الفكرة وصلت؟؟ولا لسة؟؟
الرجوع الى أعلى الصفحة اذهب الى الأسفل
https://elhalawani.yoo7.com
احمد محمد عبد القادر
عضو منتديات الجيل الحر
عضو منتديات الجيل الحر
احمد محمد عبد القادر


تاريخ التسجيل : 10/07/2008
عدد الرسائل : 145
العمر : 46
الدوله : مصر
نقاط : 5913
السٌّمعَة : 2

عفوا..الشباب المصرى غير متاح حالياً!! Empty
مُساهمةموضوع: رد: عفوا..الشباب المصرى غير متاح حالياً!!   عفوا..الشباب المصرى غير متاح حالياً!! Icon_minitime2008-12-15, 6:34 pm

تمتم عندك حق واللة بس فين اللي يعمل بالنصيحة
الرجوع الى أعلى الصفحة اذهب الى الأسفل
http://www.shbab1.com/2minutes.htm
الحلوانى
المدير العام
المدير العام
الحلوانى


تاريخ التسجيل : 18/05/2008
عدد الرسائل : 526
العمر : 56
الدوله : مصر
نقاط : 6501
السٌّمعَة : 11

عفوا..الشباب المصرى غير متاح حالياً!! Empty
مُساهمةموضوع: رد: عفوا..الشباب المصرى غير متاح حالياً!!   عفوا..الشباب المصرى غير متاح حالياً!! Icon_minitime2008-12-16, 10:14 am

شكرا مرورك أخ احمد واللى عايز يعمل بالنصيحة هايعمل
فقط يكون عنده المقدرة على الفهم والوعى
تقبل تحياتى
الرجوع الى أعلى الصفحة اذهب الى الأسفل
https://elhalawani.yoo7.com
رومانسى جدا جدا
عضو منتديات الجيل الحر
عضو منتديات الجيل الحر



تاريخ التسجيل : 25/11/2008
عدد الرسائل : 8
العمر : 29
الدوله : مصر
نقاط : 5609
السٌّمعَة : 0

عفوا..الشباب المصرى غير متاح حالياً!! Empty
مُساهمةموضوع: رد: عفوا..الشباب المصرى غير متاح حالياً!!   عفوا..الشباب المصرى غير متاح حالياً!! Icon_minitime2009-04-21, 3:07 pm

موضوع جيد جدا وجريئ جدا
الرجوع الى أعلى الصفحة اذهب الى الأسفل
الحلوانى
المدير العام
المدير العام
الحلوانى


تاريخ التسجيل : 18/05/2008
عدد الرسائل : 526
العمر : 56
الدوله : مصر
نقاط : 6501
السٌّمعَة : 11

عفوا..الشباب المصرى غير متاح حالياً!! Empty
مُساهمةموضوع: رد: عفوا..الشباب المصرى غير متاح حالياً!!   عفوا..الشباب المصرى غير متاح حالياً!! Icon_minitime2009-04-27, 1:20 pm

شكرا مرورك أخى العزيز
دمت بكل ود
الرجوع الى أعلى الصفحة اذهب الى الأسفل
https://elhalawani.yoo7.com
 
عفوا..الشباب المصرى غير متاح حالياً!!
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات الجيل الحر :: المنتديات العامة :: المنتدي العام-
انتقل الى: