منتديات الجيل الحر
أهلا وسهلا بك زائرنا الكريم ، يسر إدارة وأعضاء منتديات الجيل الحر أن تنضم لأسرة المنتدى .. تسجيلك فى المنتدى يشرفنا ويسعدنا .. وأهلا وسهلا بك .

منتديات الجيل الحر

مرحبا بك يا زائر فى منتديات الجيل الحر
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
مجلة الجيل الحر: أنتظرونا أعضائنا الكرام لآصدار مجلة الجيل الحر والتى جارى الاعداد لها بناء على إقتراح الاخت الزميلة ( رونــــــــــى ) بأنشاء المجلة .. سيتم أنشائها قريبا .... فأنتظرونا ....

شاطر | 
 

 رباعيات جاهين روووووعة

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رباعيات جاهين روووووعة   2009-01-27, 9:05 am

السلام عليكم ورحمة الله وبركاته

كان من زمان وانا نفسى أقرأ رباعيات صلاح جاهين

وعندما وجدها فرحت جدا وحببت ان انقلها لكم

ولكن عذرا انها طوووويلة جدا لذلك سوف اضعها على مراحل

اليكم البداية

خرج ابن آدم من العدم قلت : ياه

رجع ابن آدم للعدم قلت : ياه

تراب بيحيا ... وحي بيصير تراب

الأصل هو الموت و الا الحياه ؟

عجبي !!!



ضريح رخام فيه السعيد اندفن

و حفره فيها الشريد من غير كفن

مريت عليهم .. قلت يا للعجب

لاتنين ريحتهم لها نفس العفن

عجبي !!!



ياما صادفت صحاب و ما صاحبتهمش

و كاسات خمور و شراب و ما شربتهمش

أندم علي الفرص اللي انا سبتهم

و الا علي الفرص اللي ما سبتهمش

عجبي !!



و الكون ده كيف موجود من غير حدود

و فيه عقارب ليه و تعابين ودود

عالم مجرب فات و قال سلامات

ده ياما فيه سؤالات من غير ردود

عجبي !!!



أنا شاب لكن عمري ألف عام

وحيد لكن بين ضلوعي زحام

خايف و لكن خوفي مني أنا

أخرس و لكن قلبي مليان كلام

عجبي !!!!



يا باب يا مقفول ... إمتي الدخول

صبرت ياما و اللي يصبر ينول

دقيت سنين ... و الرد يرجع لي : مين ؟

لو كنت عارف مين أنا كنت أقول

عجبي !!!

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!



سهير ليالي و ياما لفيت و طفت

و ف ليه راجع في الضلام قمت شفت

الخوف ... كأنه كلب سد الطريق

و كنت عاوز أقتله .. بس خفت

عجبي !!



كان فيه زمان سحليه طول فرسخين

كهفين عيونها و خشمها بربخين

ماتت لكين الرعب لم عمره مات

مع إنه فات بدل التاريخ تاريخين

عجبي !!



عجبتني كلمة من كلام الورق

النور شرق من بين حروفها و برق

حبيت أشيلها ف قلبي .. قالت حرام

ده أنا كل قلب دخلت فيه اتحرق

عجبي !!!



رقبه قزازة و قلبي فيها انحشر

شربت كاس و اتنين و خامس عشر

صاحبت ناس م الخمرة ترجع وحوش

و صاحبت ناس م الخمرة ترجع بشر

عجبي !!!!



ليه يا حبيبتي ما بيننا دايما سفر

ده البعد ذنب كبير لا يغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!!

ورا كل شباك ألف عين مفتوحين

و انا وانتي ماشيين يا غرامي الحزين

لو التصقنا نموت بضربة حجر

و لو افترقنا نموت متحسرين

عجبي !!!



نوح راح لحاله و الطوفان استمر

مركبنا تايهه لسه مش لاقيه بر

آه م الطوفان وآهين يا بر الأمان

إزاي تبان و الدنيا غرقانه شر

عجبي !!



علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم .. قتلت ؟ ..... والا اتقتلت

عجبي !!



انا كل يوم أسمع ........ فلان عذبوه

أسرح في بغداد و الجزاير واتوه

ما أعجبش م اللي يطيق بجسمه العذاب

و اعجب من اللي يطيق يعذب أخوه

عجبي !!!



ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!



يا قرص شمس ما لهش قبة سما

يا ورد من غير أرض شب و نما

يا أي معني جميل سمعنا عليه

الخلق ليه عايشين حياه مؤلمة

عجبي !!!

شاف الطبيب جرحي وصف له الأمل

وعطاني منه مقام يا دوب ما اندمل

مجروح جديد يا طبيب و جرحي لهيب

ودواك فرغ مني .... و إيه العمل

عجبي !!!



أعرف عيون هي الجمال و الحسن

و اعرف عيون تاخد القلوب بالحضن

و عيون مخيفة و قاسية وعيون كتير

وباحس فيهم كلهم بالحزن

عجبي !!



إيش تطلبي يا نفس فوق كل ده

حظك بيضحك و انتي متنكده

ردت قالت لي النفس : قول للبشر

ما يبصوليش بعيون حزينة كده

عجبي !!



إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!



يا حزين يا قمقم تحت بحر الضياع

حزين أنا زيك و إيه مستطاع

الحزن ما بقالهوش جلال يا جدع

الحزن زي البرد ... زي الصداع

عجبي !!!!



في يوم صحيت شاعر براحة و صفا

الهم زال و الحزن راح و اختفي

خدني العجب و سألت روحي سؤال

أنا مت ؟ و لا وصلت للفلسفة

عجبي !!!

الفيلسوف قاعد يفكر سيبوه

لا تعملوه سلطان و لا تصلبوه

ما تعرفوش إن الفلاسفه يا هوه

اللي يقولوه بيرجعوا يكدبوه

عجبي !!!



علي بعد مليون ميل من أرضنا

من الفراغ الكوني بصيت أنا

لا شفت فرق بين جبال و بحور

و لا شفت فرق ما بين عذاب أو هنا

عجبي !!



إنسان أيا إنسان ما أجهلك

ما أتفهك في الكون و ما أضألك

شمس وقمر و سدوم و ملايين نجوم

و فاكرها يا موهوم مخلوقه لك

عجبي !!


انتظرونا فى العرض القادم لرباعيات جاهين

وحتى يحين اللقاء لكم منى ارق التحية واجمل لقاء

ان شاء الله

سلام الله عليكم ورحمتة وبركاته
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-07, 4:00 pm

اليكم بعض من الابيات الباقية من رباعيات جاهين


نظرت فوق للنجوم و انا ساير

رجليا عترت في الحفر و الحجاير

بقيت أقول و انا ع التراب: يا سلام

مش بس عبره أخذت لكن عباير

عجبي !!!



- يا نجم .. نورك ليه كده بيرتجف ؟

هو انت قنديل زيت ؟ أو تختلف

- أنا نجم عالي .. بس عالي قوي

و كل ما انظر تحت اخاف انحدف

عجبي !!!!



السم لو كان في الدوا منين يضر ؟

و الموت لو عدونا .. منين يسر؟

حط القلم في الحبر و اكتب كمان

.. و العبد للشهوات .. منين هو حر؟

عجبي !!!

وقفت بين شطين علي قنطــــــــــــــــــرة

الكدب فين و الصدق فيـــــــــــن يا تري

محتار ح اموت .. الحوت خرج لي وقالي

هو الكلام يتقــــــــــــاس بالمســـــــــــطرة

عجبي !!!



سرداب في مستشفي الولاده طويل

صرخات عذاب ورا كل باب وعويل

.. وفي الطــــــريق متزوقين البنات

متزوقـــــــــــــين للحب و المواويل

عجبي !!



الدنيا أوده كـــــــــــبيره للانتظار

فيها ابن أدم زيه زي الحـــــــمار

الهم واحد .. و الملل مشــــــترك

و مفيش حمار بيحاول الانتـــــحار

عجبي !!



أيوب رماه البين بكل العـــــــــلل

سبع سنين مرضان وعنده شلل

الصــــبر طيب .. صبر أيوب شفاه

بس الأكـــــــــاده مات بفعل الملل

عجبي !!!



نسمة ربيع لكن بتكوي الوشـــــــوش

طيور جميلة بس من غير عشـــوش

قلوب بتخفق إنما وحـــــــــــــــــدها

هي الحياه كده .. كلها في الفاشوش

عجبي !!!!



يا طير يا عالي في الســــــما طظ فيك

ما تفتكرشي ربنا مصطــــــــــــــــفيك

برضـــــــــــك بتاكل دود و للطين تعًًًًودً

تمـــــــــص فيه يا حلو .. و يمص فيك

عجبي !!!

كروان جريح مضروب شعاع م القمر

سقط من السموات فؤاده انكســـــــــر

جريت عليه قطه علشان تبلعـــــــــــه

أتاريه خيال شعراء و مالهـــــوش أثر

عجبي !!!



ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ ... و الا يمكن نســـــــــــيت

عجبي !!



ما حد في الدنيا واخد جزاتــــــــــــــــــه

و لا حــــــــــــــــد بيفكر في غير لذاذاته

ما تعرفيش يا حبيبتي .. أنا و انتي مين؟

إنتي عروس النيل ... و أنا النيل بذاته

عجبي


رقاصه خرسا و رقصه من غير نغــم

دنيا . . يا مين يصالحها قبل النـــــدم

ساعتين تهز بوجههـــــــــــــــا يعنـي

يترجرجوا نهديها يعني نعـــــــــــــــم

عجبي !!!



إخطفني ياللي تحبني ع الحصان

الدنيا قالت يوم في ماضي الزمان

إخطفني ياللي تحبني ع الـــــفرس

الدنيا قالت .. قام خطفها الشيطان

عجبي !!!!



من بين شقوق الشيش و شقشقت لك

مع شهقة العصافير و زقزقـــــــت لك

نهار جديد انا . . قوم نشوف نعــمليه

انا قلت يا ح تقتلني .. يا ح اقــــــــتلك

عجبي
!!!




انتظرو المزيد
الرجوع الى أعلى الصفحة اذهب الى الأسفل
ممدوح السروى
عضو منتديات الجيل الحر
عضو منتديات الجيل الحر
avatar

تاريخ التسجيل : 18/12/2008
عدد الرسائل : 135
العمر : 60
الدوله : المنهوبة
نقاط : 3387
السٌّمعَة : 8

مُساهمةموضوع: رد: رباعيات جاهين روووووعة   2009-02-08, 10:01 pm

انا لو بأيدى يارونى لاعطيتك وسام
عندك 16 وتقرأ لصلاح جاهين
دنتا فنان واديب
شكراشكرا
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-09, 10:50 pm

اقتباس :
[size=12][size=12]انا لو بأيدى يارونى لاعطيتك وسام
عندك 16 وتقرأ لصلاح جاهين
دنتا فنان واديب
شكراشكرا
[/size][/size]

أشكرك أبى الفاضل على مرورك العطر

الذى اضاء صفحتى المتواضعة

لك جزيل الشكر

أما عن قرائتى للاديب صلاح جاهين فهذا شرف لى أنا والله

اختكم فى الله رونــــــــــــى


والسلام عليكم ورحمة الله وبركاته
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-09, 11:09 pm

الحلقة الثالثة من رباعيات جاهين

اليكم العرض


جالك اوان وعرفت مشي الجنايــــــــز

كيف شفتها يا عبد رب اللذايــــــــــــذ

قال : شفت شيل بالحيل فقير أو اميـــر

كما شالوا في الخمامير فواضي القزايز

عجبي !!



أنا كنت شئ و صبحت شئ ثم شــئ

شوف ربنا .. قادرعلي كل شـــــــئ

هز الشجر شواشيه ووشوشني قال :

لابد ما يموت شئ عشان يحيا شئ

عجبي !!



يا مشرط الجراح أمانة علـــــــــــيك

و انت ف حشايا تبص من حواليــك

فيه نقطة سوده في قلبي بدأت تبان

شيلها كمان .. و الفضل يرجع إليك

عجبي !!!



كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!



تسلم يا غصن الخوخ يا عود الحطـــــــــب

بييجي الربيع .. تطلـــــــــــع زهورك عجب

و انا ليه بيمضـــــــــــي ربيع وييجي ربيع

و لسه برضك قلــــــــــــــــــبي حتة خشب

عجبي !!!

قلبي عليل يا ناس و في الكاس دواه

مديت له إيدي شربت م اللي حــــواه

جنبي الشمال خف .. اليمين اتــــوجع

و إيه يداوي الكبد م اللي كـــــــــــواه

عجبي!!



.. دي مزكرات و كتبتها من ســـــــــنين

في نوتة زرقا لون بحور الحنيــــــــــــن

عترت فيها .. رميتها في المهمـــــــلات

وقلت صحيح أما صحيح كلام مخبولين

عجبي !!



دخل الشتا وقفل البيبان ع البـــيوت

وجعل شعاع الشمس خيط عنكبوت

وحاجات كتير بتموت في ليل الشــتا

لكن حاجات أكتر بترفض تمــــــوت

عجبي !!



- الدنيا من غير الربيع مــــــــيته

ورقة شجر ضعفـــــــانه و مـــفـــــتــته

- لا يا جدع غلطان تأمل وشوف

زهر الشتا طالع فــــــــي عز الشـــــتا

عجبي !!!



ياللي انت بيتك قش مفروش بريش

تقوي عليه الريح .. يصبح ما فيش

عجبي عليك حواليك مخالب كـــــبار

و ما لكش غير منقار و قادر تعيش

عجبي !!!!



سمعت نقطة ميه جوه المحيـــــــط

بتقول لنقطه ما تنزليش في الغويط

أخاف عليكي م الغرق .. قلـــــت أنا

ده اللي يخاف م الوعد يبقي عبيط

عجبي !!!

بحر الحياه مليان بغرقي الحياه

صرخت خش الموج في حلقي ملاه

قارب نجاه .. صرخت قالوا مفيش

غير بس هو الحب قارب نجاه

عجبي !!!



فارس وحيد جوه الدروع الحديد

رفرف عليه عصفور وقال له نشيد

منين .. منين.. و لفين لفين يا جدع

قال من بعيد و لسه رايح بعيد

عجبي !!



كان فيه قمر كأنه فرخ الحمام

علي صغره دق شعاع شق الغمام

أنا كنت حاضر قلت له ينصرك

إشحال لما حتبقي بدر التمام

عجبي !!



النهد زي الفهد نط اندلع

قلبي انهبش بين الضلوع و انخلع

ياللي نهيت البنت عن فعلها

قول للطبيعة كمان تبطل دلع

عجبي !!!



صوتك يا بنت الإيه كأنه بدن

يرقص يزيح الهم يمحي الشجن

يا حلوتي و بدنك كأنه كلام

كلام فلاسفه سكروا نسيوا الزمن

عجبي !!!!



كرباج سعاده وقلبي منه اجلد

رمح كأنه حصان و لف البلد

و رجع لي نصل الليل و سألني .. ليه

خجلان تقول انك سعيد يا ولد

عجبي !!!

مزيكة هادية الكون فيها انغـــــمر

وصيف و ليل و عقد فل و سمر

يا هلتري الناس كلهم مبسوطين

و يا هلتري شايفين جمال القمر ؟

عجبي!!



إنشد يا قلبي غنوتك للجمــــــــــــــــــال

و ارقص في صدري من اليمين للشمال

ما هوش بعيد تفضل لبكره سعيــــــــــد

ده كل يوم فيه الف الف احتمـــــــــــــال

عجبي !!



آه لو انا و محبوب جزنا الفضـــــا

في سفينة وحدينا .. واشيا رضـــا

ساعة صفا تعجبنا نرجع لهــــــــــا

و الهم قبل ما ييجي .. يبقي مضـى

عجبي



انتظرونا فى اللحقلة القادمة

جزاكم الله خيرا جميعا لمروركم

وحتى يحين اللقاء لكم منى ارق التحية وان شاء الله لنا عودة مع اجمل لقاء بكم

أختكم فى الله رونـــــــــــــــــــــــــــى
الرجوع الى أعلى الصفحة اذهب الى الأسفل
الحلوانى
المدير العام
المدير العام
avatar

تاريخ التسجيل : 18/05/2008
عدد الرسائل : 526
العمر : 49
الدوله : مصر
نقاط : 4151
السٌّمعَة : 11

مُساهمةموضوع: رد: رباعيات جاهين روووووعة   2009-02-10, 9:57 pm

ممدوح السروى كتب:
انا لو بأيدى يارونى لاعطيتك وسام
عندك 16 وتقرأ لصلاح جاهين
دنتا فنان واديب
شكراشكرا

هى تستحق فعلا الوسام ولها ما طلبت أخينا ممدوح السروى
فوجودها فى المنتدى يشرفه
تقبلا تحياتى


__________________________________________________________________________________________________
........................................
الرجوع الى أعلى الصفحة اذهب الى الأسفل
http://elhalawani.yoo7.com
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-10, 10:49 pm

أشكرك كثيرا ابى الفاضل على راى حضرتك بى

ويشرفنى كثيرا

لكم جزيل الشكر أيها الاساتذه الافاضل على مروركم فى متصفحى المتواضع هذا

واتمنى يا رب ان اكون عند حسن ظن الجميع


لكم جزيل الشكر

كم يسعدنى كلامكم و رأيكم بى هو الوسام الحقيقى الذى أضعه دائما أمامى

جزاكم الله خيرا

والسلام عليكم ورحمة الله وبركاته
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-11, 5:01 pm

السلام عليكم ورحمة الله وبركاته

ها انا قد عودت برباعيات جاهين مرة اخرى

اليكم جزء اخر من رباعيات جاهين


أنا إله الوجد رب الهيــــــــــــــــام

أضرب بسهم الوهم وهم الغـــــرام

و هم الغرام من كتر ما هو لذيـــــذ

رشقت انا ف صدري جميع السهام

عجبي !!!



حدوته عن جعران و عن خنفســــــــــه

اتقابلوا حوا بعض ساعة مســـــــــــــــا

و لا قال لهم حد اختشوا عيب حـــــرام

و لا حد قال دي علاقة متدنســــــــــــــة

عجبي !!!!



ياللي عرفت الحب يوم و انطــــــــــــوي

حسك تقال مشتاق لنبع الهـــــــــــــــوي

حسك تقول مشتاق لنبع الغــــــــــــــــرام

ده الحب .. مين داق منه قطره...ارتوي

عجبي !!!

زحام و أبواق سيارات مزعجـــــة

للي يطول له رصيف.. يبقي نجـــا

لو كنت جنبي يا حبيبي أنــــــــــــا

مش كنت أشوف إن الحياة مبهجة

عجبي!!



إيديا في جيوبي وقلبي طــــــــرب

سارح في غربة بس مش مغترب

و حدي لكين ونسان و ماشي كده

وبابتعد ما اعرف .. أو باقـــــترب

عجبي !!



يا ميت ندامه ع القلوب الخـــــــــــلا

لا محبة فيها و لا كراهـــــــــــه ولا

حتي يا قلبي الحزن ما عادش فيـــــك

معلهش .. لك يوم برضه راح تتملا

عجبي !!



مرحب ربيع مرحب ربيع مرحبــــــــــه

يا طفل يا للي ف دمي ناغا وحبــــــــا

علشان عيونك يا صغنن هويــــــــــــت

حتي ديدان الأرض و الأغربــــــــــــــة

عجبي !!!



فتحت شباكي لشمس الصبـــــــــــــــــاح

ما دخلش منه غيــــــــــر عويل الريـــاح

و فتحت قلبي عشان ابوح بالألـــــــــــــم

ما خرجش منه غير محبه و سمــــــــاح

عجبي !!!!



غمست سنك في السواد يا قلـــــــــــــــم

عشان ما تكتب شعر يقطر ألــــــــــــــــم

مالك جرالك إيه يا مجنون ... و ليــــــــه

رسمت ورده وبيت و قلب و علـــــــــــم

عجبي !!!

انا الذي عمري اشتياق في اشتيـــاق

و قطر داخل في محطة الـــــــــفراق

قصدت نبع السم وشربت ســـــــــم

من كتر شوقي وعشمي في التريـــاق

عجبي !!!



انا الذي عشت الزمن مضيعـــــــــه

بروح حزينة معفنة مضعضعــــــه

زرعتشجرة سنط لجل انجــــــرح

لقتها شعر البنت و مفرعــــــــــــه

عجبي !!



لو فيه سلام في الأرض وطمان و أمن

لو كان مفيش و لا فقر و لا خوف جبن

لو يملك الانسان مصير كل شـــــــــــئ

انا كنت اجيب للدنيا ميت ألف ابــــــــــن

عجبي !!



العشب طاطا للنسايم و نـــــــــــــــــــــخ

أخضر طري مالهش في الحســـــــن أخ

عصفور عبيط انا .. غاوي بهجه و غنا

ح انزلهنا.. و انشا لله يهبرني فــــــــخ

عجبي !!!



أوصيك يابني بالقمر و الزهـــــــــــــور

أوصيك بليل القاهرة المسحـــــــــــــور

و إن جيت في بالك .. إشتري عقد فل

لأي سمرا.. وقبري إوعك تـــــــــزور

عجبي !!!!



غمض عينيك و ارقص بخفة و دلع

الدنيا هي الشابة و انت الــــــــجدع

تشوف رشاقة خطوتك تعبــــــــدك

لكن انت لو بصيت لرجليك ....تـقع

عجبي !!!

حاسب من الاحزان و حاســـــــب لها

حاسب علي رقابيك من حبلـــــــــــها

راح تنتهي و لابد راح تنتهــــــــــي

مش انتهت أحزان من قبلهــــــــــا؟

عجبي !!!



يأسك و صبرك بين إيديك و انت حر

تيأس ما تيأس الحياه راح تــــــــمر

أنا دقت مندا ومندا عجبي لقيــــــت

الصبر مر و برضك اليـأس مـــــــر

عجبي !!



ولدي نصحتك لما صوتي اتنبــــــــــــح

ما تخفش من جني و لا من شبـــــــــح

و ان هب فيك عفريت قتيل إسألـــــــــه

ما دافعش ليه عن نفسه يوم ما اندبح

عجبي !!



ولدي إليك بدل البالون ميت بالــــــون

انفخ وطرقع فيه علي كل لـــــــــــون

عساك تشوف بعينك مصيرالرجــــــال

المنفوخين في السترة و البنطلـــــون

عجبي
!!!

لكم منى جزيل الشكر

وانتظرو باقى رباعيات جاهين المرة القادمة

وحتى يحين اللقاء سلام الله عليكم ورحمته وبركاته
الرجوع الى أعلى الصفحة اذهب الى الأسفل
ممدوح السروى
عضو منتديات الجيل الحر
عضو منتديات الجيل الحر
avatar

تاريخ التسجيل : 18/12/2008
عدد الرسائل : 135
العمر : 60
الدوله : المنهوبة
نقاط : 3387
السٌّمعَة : 8

مُساهمةموضوع: رد: رباعيات جاهين روووووعة   2009-02-17, 10:15 pm

الله
الله يارونى
انا حاسس انك انت اللى كتبتيها
تسلمى يارب واشوفك شاعرة رائعة
ومبدعة
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-17, 11:03 pm

الله
اقتباس :
الله يارونى
انا حاسس انك انت اللى كتبتيها
تسلمى يارب واشوفك شاعرة رائعة
ومبدعة


لك جزيل الشكر ابى الفاضل وادعوا الله عزوجل ان أكون عند حسن ظن الجميع


وكم انا سعيدة بمرور حضرتك

وأنا لى الشرف ان اقوم بنقل رباعيات الشاعر الكبير صلاح جاهين
تسلم أبى الفاضل


وجزاك الله خيرا

والسلام عليكم ورحمة الله وبركاته
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-17, 11:12 pm

اليكم جزء من ااجزاء الباقية من رباعيات جاهين



خوض معركتها زي جدك ما خــــاض

صالب و قالب شفتك بامتـــــــــــعاض

هي كده...ما تنولش منها الأمـــــــل

غير بعض صد ورد ووجاع مخاض

عجبي !!!!



كام اشتغلت يا نيل في نحت الصخور

مليون بئونه و الف مليون هاــــتور

يا نيل أنا ابن حلال و من خلفتــــــك

و ليه صعيبه علي بس الأمــــــــور

عجبي !!!

منين أجيبها كلمه متألمـــــــــــــــــة

لعيبه فايره حايره و مصممــــــــــه

منين اجيبها كلمه تكون بنـــت ارض

تشفي اللي ما شافهوش كلام السمـا

عجبي !!!أنا قلت كلمة و كان لها معنييـــــــــن

كما بطن واحده و توأمين زي وشين

لو دنيا شر.. التوأم الخير يمـــــــوت

لو دنيا خير .. الشر ح يعيش مــنين

عجبي !!



أنا اللي بالأمر المحال اغتــــــــــــوي

شفت القمر نطيت لفوق في الهـــــوا

طلته ما طلتوش إيه انا يهمنـــــــــي

و ليه .. ما دام بالنشوة قلبي ارتوي

عجبي !!



بره القزاز كان غيم و أمطار و بــــــــرق

ما يهمنيش – أنا قلت – و لا عندي فرق

غيرت رأيي بعد ساعة زمـــــــــــــــــان

و كنت في الشارع .. و في الجزمة خرق

عجبي !!!



عيني رأت مولود علي كتف أمـــــــــــه

يصرخ تهنن فيه يصرخ تضــــــــــــمه

يصرخ تقول يا بني ما تنطق كـــــــلام

ده اللي ما يتكلمش يكتر همـــــــــــــه

عجبي !!!!



يا عندليب ما تخافش من غنوتك

قول شكوتك و احكي علي بلوتك

الغنوه مش ح تموتك إنمــــــــــا

كتم الغنا هو اللي ح يموتــــــــك

عجبي !!!

ياللي بتبحث عن إله تعــــــــــــبده

بحث الغريق عن أي شئ ينجـــده

الله جميل و عليم و رحمن رحــيم

أجمل صفاته .. وانت راح توجده

عجبي !!!



حقرا و فوق كوكب حقير محتقـــــــر

في الكون تكون دنياكو إيه يا بــــــقر

رملايه من صحرا ؟ لكين إيش تقول

و الكون بحاله جوه عقل البشــــــر

عجبي !!



لا تجبر الانسان و لا تخـــــــــيره

يكفيه ما فيه من عقل بيحيــــــره

اللي النهارده بيطلبه و يشتهــــيه

هو اللي بكره ح يشتهي يغيـــــره

عجبي !!



ياللي في حماه الشمس تلقي المــــلاذ

و ألف بكره و بكره .. في ضلوعه لاذ

مين أنت ؟ مارد ؟ رب ؟ قال لأ ده بس

انا اللي باروي القمح و اسقي الفــولاذ

عجبي !!!



غسل المسيح قدمك يا حافي القـدم

طوبي لمن كانوا عشانك خــــــــدم

صنعت لك نعليك أنا يا أخــــــــــــي

مستني إيه .. ما تقوم تدوس العدم

عجبي !!!!



البط شال عدي الجبال و البحــــــور

ياما نفسي اهج .. احج ويا الطــيور

أوصيك يا ربي لما اموت .. و النبي

ما تودنيش الجنه .. للجنه ســـــــور

عجبي !!!

طال انتظاري للربيع يرجــــــــــــــع

و الجو يدفا و الزهور تطلــــــــــــع

عاد الربيع عرمرم شبـــــــــــــــاب

إيه اللي خلاني ابتديت افــــــــزع ؟

عجبي !!!



و لو اتضنيت و فنيت وعمري انفرط

مش عاوز الجأ للحلول الوســـــــــط

و كمان شطط و جنون مانيش عــاوز

يا مين يقول لي الصح فين والغلــــط

عجبي !!



عاد الربيع كأنه طعم الحــــــــــــــــــب

و الحب نار جوه العروق بتصـــــــــب

اتمتع ازاي بيه وانا متقطـــــــــــــــع

من كتر خوفي لا في الخطيئة يطب ؟

عجبي !!





ازاي شبابنا يقوم و ياخـــــــــد دوره

من غير صراخ يئذيه و يجرح زوره

يا هلتري أحسن له يقعد ساكـــــــــت

أو ينترك و لو خرج عن طــــــوره ؟

عجبي !!!



عيني رأت عصفور ووياه ابـــــــــنه

بيحدفه في الريح و ياخده ف حضنه

نوبتين و تالت نوبه – عجبي عليهم –

كانوا سوا بيرفرفرا و يغنـــــــــوا

عجبي !!!!


احسن ما فيها العشق و المعشقــــــة

و شويتين الضحك والتريقـــــــــــــة

شفت الحية . لفيت . لقيت الألــــــــذ

تغييرها . و ده يعني التعب و الشقا

عجبي !!!

عجبي علي العجب العجيب العجاب

لما الحقيقة تطل بعد احتجاب

و تروح و تحلا وفجأة تصبح مفيش

كمثل طراطيش بحر ياما خد و جاب

عجبي

يا رب تنال شرف اعجابكم

لكم منى جزيل الشكر

وحتى يحين الللقاء مرة أخرى مع رباعيات جاهين

السلام عليكم ورحمة الله وبركاته
الرجوع الى أعلى الصفحة اذهب الى الأسفل
بساتين
عضو منتديات الجيل الحر
عضو منتديات الجيل الحر
avatar

تاريخ التسجيل : 20/05/2008
عدد الرسائل : 65
العمر : 43
الدوله : العالم بأسره
نقاط : 3473
السٌّمعَة : 0

مُساهمةموضوع: رد: رباعيات جاهين روووووعة   2009-02-22, 5:52 pm

ما أروعك رونى
وماأروع رباعيات جاهين

الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-28, 8:01 am

أشكرك اخى الفاضل على مرورك كلماتك الرائعة
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-28, 8:07 am

ها أن قد عودت بجزء من اجزاء رباعيات جاهين



في الهو ماشي يا بهلوان إش إِش

يا فراشة منقوشة علي كل وش

شقلبت عقلي و عقلي شقلبني

و كنت باحسبني بقيت ما اندهش

عجبي !!



وقفت ساعة الصبح باغسل سناني

قالت لي شايف قوتي و لمعاني ؟

إيش تطلب اليوم مني ضحكة أسد ؟

والا ابتسامة اعلانات أمريكاني ؟

عجبي !!



الحلو يم اليم صابــــــــــح رايح

سارح في حضن الميه سابح سايح

الحلو داب في البحر , قلــــت أدوقه

وجدت لسه البحر برضك ماــــــلح

عجبي !!!



يا كل كلمة للعجب في قامــــــــــــوس

انسكلوبيديا لسان العرب أو لا لاروس

تعالوا نجدة . ده لسه في عصـــــرنا

الشمس و البحر العريض بالفـــلوس

عجبي !!!!



الموج تلول تهبط وتطلع تلــــــــــــول

يا بحر خدني الشط صاحبك ملـــــــول

و الا بلاش الشط ح اعمل به أيـــــــه

ده ريحته طحلب مهري و ام الخلــول

عجبي !!!

ما آنتاش بتلعب ليه يا روح بابــــا ؟

و لا عسكري و لا لص في عصابة ؟

إلعب أسد أو ديب رهيب أو غـــــزال

دي الدنيا في نهاية المطاف غابـــــة

عجبي !!!



ورد في ورق سلوفان يا حلوة اهديلك ؟

و الا انقله بالطين في الشتلة و اجيلـــــك

الأولاني لو وحا بحنــــــــــــــــــــــانــي

عجبي علي التاني بإيــــــــه يوحيلــــــــك



عجبي !!


ولى الشرف بتواجدكم فى هذا المتصفح لقرائتها

وحتى يحين اللقاء سلام الله عليكم ورحمته وبركاته
الرجوع الى أعلى الصفحة اذهب الى الأسفل
ممدوح السروى
عضو منتديات الجيل الحر
عضو منتديات الجيل الحر
avatar

تاريخ التسجيل : 18/12/2008
عدد الرسائل : 135
العمر : 60
الدوله : المنهوبة
نقاط : 3387
السٌّمعَة : 8

مُساهمةموضوع: رد: رباعيات جاهين روووووعة   2009-02-28, 4:51 pm

يارونى
شكرا شكرا على هذا الابداع
كونك تقرأ لجاهين فانت على طريق الابداع
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: رباعيات جاهين روووووعة   2009-02-28, 9:18 pm

اقتباس :
يارونى
شكرا شكرا على هذا الابداع
كونك تقرأ لجاهين فانت على طريق الابداع


اشكر ك كثيرا على هذا التشجيع

ولك جزيل الشكر لمررك
الرجوع الى أعلى الصفحة اذهب الى الأسفل
 
رباعيات جاهين روووووعة
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجيل الحر :: المنتديات الفنية والثقافية والادبية :: منتدى همس المشاعر-
انتقل الى: