الحلوانى المدير العام
تاريخ التسجيل : 18/05/2008 عدد الرسائل : 526 العمر : 56 الدوله : مصر نقاط : 6554 السٌّمعَة : 11
| موضوع: هفضل حمار وماتكلمش 2009-04-19, 11:07 am | |
| هفضل حمار .. وما تكلمش .. حمار .. حمار ..ما بتفرقش .. أنا حمار .. وانت حمار .. وناس بهايم ما بتفهمش .. سنين وعايش .. أو مش عايش .. ما بسألش .. من غير وظيفة .. جيوبي نظيفة .. ما فيهاش تعريفة .. وما بفكرش ..
هفضل حمار .. وما تكلمش .. حمار .. حمار ..ما بتفرقش .. من غير كرامة .. وأفكار هدامة .. كفاياني ملامة .. لو فكرت .. حبس وتعذيب .. إصلاح وتهذيب .. لازم أندم .. إزاي ماأندمش .. على إني يوم .. صحيت من النوم .. أجرمت وفكرت ..
هفضل حمار .. وما تكلمش .. حمار .. حمار ..ما بتفرقش .. سنين ساكتين .. آكلين عايشين .. جعانين عايشين .. ما بتفرقش .. تحت الأرض .. جوا الطين .. ما بنمتش .. جوانا حنين .. جوانا أنين .. صامدين صامتين .. وما بنقولش ..
هفضل حمار .. وما تكلمش .. حمار .. حمار ..ما بتفرقش .. فضفضة .. فصفصة .. سرقة وقصقصة .. بيقولوا خصخصة .. شركات كتير .. والكرش كبير .. تحميه مَريَسَة .. أصله مدير .. أو أمير .. جايز وزير .. ويا نظيف .. من غير تكليف .. البيه خفيف .. فلوس كتير .. ملك الغير .. ما يهموش .. ما هو صاحبنا .. باعهالهم مفروش ..
هفضل حمار .. وما تكلمش .. حمار .. حمار ..ما تفرقش .. جوا المحروسة .. انتخابات كوسة .. كوسة في كوسة .. ما تدورش .. تزويرات مفقوسة .. وبلطجة مدروسة .. وبنت الزيني .. مابتكدبش ..
هفضل حمار .. وما تكلمش .. حمار .. حمار ..ما بتفرقش .. قضاة ينضربوا .. صحفيين يتحبسوا .. ما بسألش .. ما هوش غلطان .. أصله كبير .. وما بيغلطش .. وكلنا حمير ما بنفهمش .. هفضل حمار .. وما تكلمش .. حمار .. حمار ..ما بتفرقش .. | |
|
الرشراش عضو منتديات الجيل الحر
تاريخ التسجيل : 11/09/2008 عدد الرسائل : 46 العمر : 39 الدوله : السعودية نقاط : 5763 السٌّمعَة : 3
| موضوع: رد: هفضل حمار وماتكلمش 2009-04-21, 2:47 pm | |
| للأسف مديرنا العام كلنا حمير وراضيين بذلك شكرا لك
| |
|