منتديات الجيل الحر
أهلا وسهلا بك زائرنا الكريم ، يسر إدارة وأعضاء منتديات الجيل الحر أن تنضم لأسرة المنتدى .. تسجيلك فى المنتدى يشرفنا ويسعدنا .. وأهلا وسهلا بك .

منتديات الجيل الحر

مرحبا بك يا زائر فى منتديات الجيل الحر
 
الرئيسيةمكتبة الصورس .و .جبحـثالأعضاءالمجموعاتالتسجيلدخول
مجلة الجيل الحر: أنتظرونا أعضائنا الكرام لآصدار مجلة الجيل الحر والتى جارى الاعداد لها بناء على إقتراح الاخت الزميلة ( رونــــــــــى ) بأنشاء المجلة .. سيتم أنشائها قريبا .... فأنتظرونا ....

شاطر | 
 

 هناك سوء فهم للنواياالحسنة!!!!!

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
احمد محمد عبد القادر
عضو منتديات الجيل الحر
عضو منتديات الجيل الحر
avatar

تاريخ التسجيل : 10/07/2008
عدد الرسائل : 145
العمر : 39
الدوله : مصر
نقاط : 3563
السٌّمعَة : 2

مُساهمةموضوع: هناك سوء فهم للنواياالحسنة!!!!!   2009-07-08, 5:48 pm


ماأقسى أن يعيش المرء وهو مهموم بقضايا بلده! وهذا هو حالى عزيزى القارئ..
وأرجوك لا تسخر منى فأنا لا أعرف للحياة طعما منذ أن انشغلت بقضايا بلدى..
فلو لم تكن مصر أمى كانت ستكون زوجة عمى، لأن عمى أيضا كان بيرسم على مصر
ولكنه تنحى احتراما لأبى لأنه شقيقه الأكبر.
وأشد
ما يكدرنى فى قضايا بلدى هو تلك الاتهامات التى تطارد السلطة.. فهم تارة
يقولون زواج المال بالسلطة وتارة يقولون زواج الفساد بالسلطة.. الواحد
مابقاش عارف هى السلطة على ذمتها كام بالضبط؟.. لقد أصبحت أمشى منكفئ
الرأس مطأطئة الجبين خجلا من كل هذا الذى يقال..
ولكنى
أعتقد رغم كل شىء أن هناك سوء فهم للنوايا الحسنة.. فكل ما فى الأمر أن
المسؤولين فى حكومتنا ناس ذوق ذوق ذوق، لا يحبون أن يِغضبوا أحدا.. ولذلك
ياما فى الحكومة مظاليم!!..
فمثلا
حين طلب مدير المتحف البريطانى أن يعيد لنا ألفا وخمسمائة قطعة آثار، ورد
عليه المسؤول المصرى بمنتهى الكرم الحاتمى وطلب منه أن يحتفظ بما لديه على
أساس أن النبى قبل الهدية، هل هناك من لامه على هذا التصرف؟ هل هناك من
قرصه من أذنه وقال له: عملت كده ليه يا عفريت؟.. إطلاقا !.. منتهى الطيبة
والذوق!.. وحين فاجأتنا الحكومة الأسبوع الماضى بعودة أخطر رجل فى العالم
وتوليه منصبا بتروليا مهما رغم كل ما أثير عنه.
هل
لهذا أى تفسير غير أننا بالفعل ناس ذوق ذوق ذوق؟.. ولذلك أنا لا أستبعد أن
ينبرى شيوخنا الأجلاء بالإفتاء بأنه لا غبار على زواج الفساد بالسلطة أو
المال بالسلطة طالما أنه يوجد قبول من الطرفين والزواج مشهر والبلد كلها
شاهدة عليه والله أعلم.. أما أنا فأعتقد بعد اجتهاد متواضع منى أنه أيضا
لا غبار على زواج الفساد بالسلطة طالما أن الحكاية مافيهاش بيبى، والله
حليم ستار.

ولقد نما إلى علمى من مصادرى الخاصة أنه حين صدر حكم قضائى بوقف تصدير
الغاز لإسرائيل اجتمع رئيس الوزراء بالوزراء وسألهم: وبعدين يا ولاد فى
الشعب اللبط ده! طب حكاية التصدير دى فيها بيبى واللا مافيهاش بيبى؟.
فانتفض
الوزير المختص وحلف على شعر رأسه وانشاللا يعدمه إن الحكاية مافيهاش
بيبى.. ولذلك استشكلت الحكومة وأقسمت برأس أبيها أن تستمر فى تصدير الغاز
لإسرائيل.. وأرجو ألا يظلمنى قارئ خبيث نميس ويظن أننى أربط بين بداية
رواج تصدير الغاز بتراب الفلوس وعودة أخطر رجل فى العالم..
حاشا
لله، أنا برضه عندى اخوات صبيان أخاف على سمعتهم.. على العكس أعتقد أن هذه
القرارات الحكومية السمك فى لبن فى تمرهندى لا علاقة لها مطلقا بالفساد،
إنما هى أكبر دليل على أزهى عصور الديمقراطية.. فالحكومة تعمل ما تريد
والشعب يعترض كما يريد وأعلى ما فى خيله بيركبه وبعدين بينزل تانى.
والحكومة
تركز مؤخرا على مصلحة المواطن خصوصا أنه ثبت علميا أن الوقفات الاحتجاجية
فى مصلحة الشعب لأنها تنشط الدورة الدموية وعضلة القلب وتوسع الشرايين كما
أنها تساهم فى تنقية الدم وإدرار البول مما سيساعد فى القضاء على ظاهرة
الاحتباس الحرارى.. وطالما أنه فى النهاية الحكاية مافيهاش بيبى إذن كل
واحد يفعل ما يحلو له والحق على عبد الحق..
الرجوع الى أعلى الصفحة اذهب الى الأسفل
http://www.shbab1.com/2minutes.htm
أحمد محسن ابراهيم حمدى
عضو منتديات الجيل الحر
عضو منتديات الجيل الحر


تاريخ التسجيل : 24/03/2009
عدد الرسائل : 14
العمر : 31
الدوله : مصر
نقاط : 3171
السٌّمعَة : 1

مُساهمةموضوع: رد: هناك سوء فهم للنواياالحسنة!!!!!   2009-07-08, 6:30 pm

كتير بيقولوا وبيعيدوا في كلام حلو ونقد وهجوم على الحكومة، لكن من سنين طويلة جدا ما شفت حاجة اتغيرت ولا وزير اقالوه علشان قمح مسرطن او رغيف متوفي ميت مرة او كهرباء منيلة ورغم كده فواتيرها تقطم وسط المواطن العادي ولا زراعة خربت وبقى انتاجنا اردأ واسوا حاجة ده اذا كان فيه انتاج بعد ما جابوا بذرة فاسدة من اسرائيل للفول والطماطم والفاكهة ولا وزير اقالوه علشان دكاكين التعذيب في اقسام الشرطة، ولا تعليم فاسد ومناهج يا اما غبية او عقيمة وشوفوا بلاد الخليج العمالة الهندية اواي جنسية اد ايه مدربين وفاهمين وباعداد رهيبة، ولا ولا ولا ولا ولا . . . . بس عاوزين ناس تخاف الله فينا وتعرف انها هتتحاسب على حقوقنا المهضومة في أمعاء الحرامية، موش حقد طبقي، لكن يخلوا الناس تعيش، بس تعيش بكرامة موش رفاهية ولو انه موش حرام
الرجوع الى أعلى الصفحة اذهب الى الأسفل
الحلوانى
المدير العام
المدير العام
avatar

تاريخ التسجيل : 18/05/2008
عدد الرسائل : 526
العمر : 49
الدوله : مصر
نقاط : 4151
السٌّمعَة : 11

مُساهمةموضوع: رد: هناك سوء فهم للنواياالحسنة!!!!!   2009-07-08, 6:36 pm

زمان كانت المقولة الشهيرة "من حقك ان تعترض ومن حقى ان احبسك" لكن مع دخول عصر الديمقراطية اتغير الحال واصبح من حقك ان تعترض وتقول كل اللى نفسك فية لكن ابقى قابلنى لو لقيت حد يسمعك, الحكومة ماشية فى اتجاة الجيزة اما المعارضة اتجاة شبرا عشان كده مستحيل هيتقابلوا وللاسف احنا ضايعين فى النص. وعلى رأى واحد صاحبى "ما أكرم هذة الحكومة فلقد تركوا لنا حرية النباح"

__________________________________________________________________________________________________
........................................
الرجوع الى أعلى الصفحة اذهب الى الأسفل
http://elhalawani.yoo7.com
غاده
عضو منتديات الجيل الحر
عضو منتديات الجيل الحر


تاريخ التسجيل : 12/07/2009
عدد الرسائل : 1
العمر : 37
الدوله : مصر
نقاط : 3025
السٌّمعَة : 1

مُساهمةموضوع: رد: هناك سوء فهم للنواياالحسنة!!!!!   2009-07-12, 11:07 am

فعلا فيه نا س كتير نوياهم بتباه كويسه وناس تفهمهم غلط للاسف علشان الناس ال نوياهم مش كويسه هم اساسا مش كويسين وربنا ببيحاسب على نوايا الناس وشكرا للمساهمه معكم
الرجوع الى أعلى الصفحة اذهب الى الأسفل
رونى
عضو منتديات الجيل الحر
عضو منتديات الجيل الحر
avatar

تاريخ التسجيل : 10/12/2008
عدد الرسائل : 426
العمر : 24
الدوله : مصر
نقاط : 3844
السٌّمعَة : 13
الأوسمه :

مُساهمةموضوع: رد: هناك سوء فهم للنواياالحسنة!!!!!   2009-07-18, 12:31 am

اقتباس :
رواج تصدير الغاز بتراب الفلوس وعودة أخطر رجل فى العالم.. حاشا
لله، أنا برضه عندى اخوات صبيان أخاف على سمعتهم.. على العكس أعتقد أن هذه
القرارات الحكومية السمك فى لبن فى تمرهندى لا علاقة لها مطلقا بالفساد،
إنما هى أكبر دليل على أزهى عصور الديمقراطية.. فالحكومة تعمل ما تريد
والشعب يعترض كما يريد وأعلى ما فى خيله بيركبه وبعدين بينزل تانى.
والحكومة
تركز مؤخرا على مصلحة المواطن خصوصا أنه ثبت علميا أن الوقفات الاحتجاجية
فى مصلحة الشعب لأنها تنشط الدورة الدموية وعضلة القلب وتوسع الشرايين كما
أنها تساهم فى تنقية الدم وإدرار البول مما سيساعد فى القضاء على ظاهرة
الاحتباس الحرارى.. وطالما أنه فى النهاية الحكاية مافيهاش بيبى إذن كل
واحد يفعل ما يحلو له والحق على عبد الحق..



ههههههههههههههههههههههههههه

بجد نووووووووووكومنت وعندك حق لو سمح لازم تخاف على سمعة اخوتك الصبيان

وبعدين ما حضرتك شايف أهو
ده كله علشان خاطرنا وتنشيط الدورة الدموية وكمانالقضاء على ظاهرة الاحتباس الحرارى عاوز ايه تانى

ياااااااااااه

أما احنا طماعين بشكل

هههههههههههههههه

هى خلاص عن قريب هتخرب على فكرة يعنى

..





























بجد توبيك رااااااائع ميرسى لك يا استاذ احمد

كل ده بيحصل فى البلد واحنا ما زلنا نووووووووووكومنت

اللى بيقول الكومنت زى ما قال الاستاذ الحلوانىما أكرم هذة الحكومة فلقد تركوا لنا حرية النباح"


والله انا ضحكت فعلا من قلبى وانا بق{ا الموضوع بس مش عارفة هو ده صح ولا غلط هو انا المفروض اضحك لا المفروض ازعل

زى ما بيقول هم يبكى ولاهم يضحك

يااااااااااااااااااااااااه خربت اووووووووووووى البلد دى

بس هنقول ايه بردوا

بحبك يا بلدى

انا اسفة على الاطلة استاذ احمد بس بجد موضوع جامد جداااااا

سلام الله عليكم ورحمته وبركاته


رونـــــــــــــــــى
الرجوع الى أعلى الصفحة اذهب الى الأسفل
 
هناك سوء فهم للنواياالحسنة!!!!!
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الجيل الحر :: المنتديات العامة :: المنتدي العام-
انتقل الى: