رونــــــــــــى على كرسى الاعتراف

رونى الجميلة

تفتكرى ايه الحاجة اللى ممكن نعملها كمجموعة و منتدى عشان نعمل تاثير فى البلد


ايه اجمل 5 حاجات فى الدنيا.... بس يكونوا بالمجان

ايه هى اعمق كلمة تمس قلبك

امتى بتحسى انك نفسك اوى

ازاى بتداوى الالم و الجراح الكبيرة اللى ممكن تمرى بيها

ازاى بتخرجى نفسك من مود الضيق

ايه هى مواهبك

انا عارفة ان تواجدى مش كتير هنا ........... لكن لما بتشوفى اسمى ايه بييجى على بالك ( بصراحة)

مممممممممممممممممم


استنى امخمخ على رواقة

عمرك عملتى مغامرة فى حياتك و حسيتى انك فى حالة حيـــــــــــــاة (( مش بس عايشة)

عمرك عملتى مغامرة فى حياتك و حسيتى انك فى حالة حيـــــــــــــاة (( مش بس عايشة)

بصراحة لأ ما حصلت معايا ولا مرة



لكن اتمنى تكون واول ما اعمل مغامرة هحكي لك

هو فى موضوع ماشية فيه دلوقتى لو نفع وكان

هقول لك عليه على طول

وهتكون احسن مغامرة عملتها بس ادعيلى يا رب تنجح



اشكرك على أسألتك الجميلة

يا صفوة وربنا يعزك ويكرمك

اول شي تقهوي وروقي وسمي بالله


بسم الله الرحمن الرحيم

1_ من عرفك على المنتدى ؟

عرفنى بالمنتدى خالى هو موجود معنا هنا بالمنتدى بأسم المخلص

2_ اقرب الاعضاء لك ؟

بصراحة مالى علاقة باحد بعينه كل الاعضا كويسن ومحترمين
وعلاقتى معهم كويسة الحمد الله


افضل الالوان عندك ؟


الاحمر ..البنك ......الابيض ...الاسود ...البنى


ميرسى لمررك يا قمر

الشكر ليكى يا لؤلؤة المنتدى الجميلة

انتى الؤلؤة والله يا صفوة
ميرسى لكِ ولمرورك العطر



جزاك الله خيرا الاستاذ لحلوانى على تواجد حضرتك بأستمرا ر فى هذا المتصفح

وان شاء الله سأقوم بالاجابة الان على الاسئلة وارجوا من الله التوفيق

آدينى جيت تانى يارونى وحضرت شوية أسئله بسيطه

اهلا بحضرتك ويا رب تكن فعلا بسيطة


أكثر شيء عاجبك في المنتدى؟

الصراحة والاحترام بين الاعضاء والموضوعات بحسها هادفة الاراء الهادفة

وماشاء الله معظم المتواجدون ذوى عقول وتفكير جيد



أكثر شي مضايقك في المنتدى؟

ان بلاقى التواجد من الاعضاء قليل والمشاركة قليلة

واحيانا بتكون هناك ماضيع مهمة وجادة جدااااااا ما بنلاقى تفاعل فيه

لكن عندى امل ان شاء الله ان الاعضاء ستكثر ويكون فى تفاعل


عندما تضطرى لمجالسة شخص لا تحبيه ماذا تفعلين .. ؟!

ولا حاجة بحاول طبعا ما اظهر له علشان ما اجرحه وويتضايق

لكن بتصرف طبيعى ولو فى حاجة مطلوبة اقوم انا اعملها


أحب الناس الى قلبك " من الأعضاء " ؟!

من الاعضاء

امممممممممم

والله كله الحمد الله اشعر بالحب والاحترام اتجاههم


ماهو القسم الذي تفضلينه في المنتدى ؟

همس المشاعر
..........

المنتدى الاسلامى

لو أشتركت فى منتدى وعضو واحد بس عملت معاة مشكلة تسيبى المنتدى؟

لأ لكن احاول بقدر الامكان اتجنبه

ولماذا؟
علشان انا وجودى فى أى منتدى بيكون بهدف وهو انى انشر كلمة كويسة اساهم بأرأى بكلامى فى مواضيع

كدا يعنى اوصل هدف فما اعتقدش ان اى حد مهما كان ممكن يوقفنى عن هدفى وعن مبدأ متخذاه انا

وهل هذا التصرف سليم من وجهة نظرك؟

أكيد لأ لكن لو انا هسبب مشاكل بعد كدا يبقى لازم اغادر وحيناها يكون تصرف سليم

والناس اللى بيحبوكى ذ نبهم أية؟

ما انا مش هسبهم خلاص ان شاء الله

هل أنتى ممن يقتنعون بسرعه؟

لألألألألألألألأ

ويمكن تكون دى مشكلة فى بعض الاحيان

لكن ممكن اقتنع لكن لو بأدلة منطقية فى اى موضوع كان

وبصراحة فى واحد بس بقتنع بكلامه بدون مناقشة كتيرة وهو اخى الاكبر


ماالشيء الذي يجعلك تنفجرى من الغضب؟

لما تكون بتحب حد اووووى وبتحترمه وتلاقيه يسيئ الظن بيك

ولما الاقى حد مش فاهمنى صح


نوع العمل الذي تقضينه في عطلة الأسبوع؟

اناااااااااااام طبعا ايام الدراسة علشان الواحد بيكون مرهق و كدا يعنى

واحيانا بخرج


ماهي أحسن صفه فيكى , وماهي أسوء صفه فيكى؟
انى طيبة الحمد الله يمكن بعض الناس شايفاها مش صفة كويسة لكن انا بحترم الصفة دى اوووى رغم ان كتير من الناس بيسميها ضعف لكن الحمد الله
انا بحاول ابين ان سبب قوتى هو طيبتى

*******************

ان بحثت عن عيوبى فأكيد سأجدها تبلغ عنانا السماء

وهقول لحضرتك منها انه يمكن انى شايفة الحياة من وجهة نظرى انا مش من وجهة نظر اللى اكبر منى وانا عارفة انى غلط فى ده لكن انا شايفها حلوة وجميلة علشان احبها واقدر اكمل فيها

توقيع لفت إنتباهك بالمنتدي؟

بصراحة انا اللى لفت نظرى ان ما فى اعضاء وضعين توقيع لهم إلا قليل جداااااا


ماهو شعورك عندما يطرح عليك سؤال تعجزى عن الرد عليه؟

العجز وان مهما الواحد اتعلم وكان لازم هيكن فى أعلم منه

يعنى ده احساس بيوصلى مش معنى كدا انى احمد زويل يعنى

لكن اقصد هذا المعنى
من الاخر بحس فعلا بالعجز


عضو مواضيعه وردوده تعجبك ويستحق لقب مبدع بالنسبه لك ؟

المدير الغالى الحلوانى

لو وقع في يدك فانوس علاء الدين وقيل لكي تمني ثلاث أمنيات ! ماذا سوف تتمني؟

الامنية الاولى أنى اشوف الحبيب المصطفى فى المنام

الثانية ان الله يمعنى بيه فى الفردوس الاعلى

الثالث أن ربنا يوفقنى فى حياتى ويرضى عنى


تحدثى لنا عن طفولتكِ ؟

عادى طفولة بسيطة وعادية مثل اى طفلة لكن الغريب فيها ان كل الاطفال هما صغيارين لما كنت تسألهم نفسك تدخلى كلية ايه كانوا يقولوا طب إلا انا كنت اقول حقوق

شريرة من يومى ههههه



هل انتي شخصية ناجحه ؟ ولماذا ؟
يعنى الحمد الله أشعر بذلك والدليل الفشل اللى بيصبنى فى حاجات وافكار كتير بحاول انفذها واعتقد هذا من النجاح
أما عن التعليل
لأن لما بفشل فى شئ بحاول انفذه وما أيأس


هل تعتقدى انكِ موهبه ؟ وبماذا ؟

اه الحمد الله بــــــــــــــ

اولهم
تلاوة القرأن والغناء والانشاد الحمد الله كتيييير اووووووووى شهدو لى بأن صوتى حلو

ثانيها الكتابة فى كتير بيشجعونى ويقولوا لى أنى بكتب كويس

لدرجة ان هناك مدرس أطلق على لقب
تماضر فى المدرسة واصبحت انادى بيه

هل انتى محبوبه ؟ولماذا؟


الحمد الله مش عارفة والله السبب يتسأل للى بيحبونى والا ايه؟؟؟؟؟؟


اذكرى لنا موقف طريف حدث لكِى ؟

موقف طريف :هو انى كنت هتخطف
بجد هحكى لكم الحكاية بأختصار

كنت ذاهبة لأستلم شهادة تقدير من الادارة بسسب تفوقى فى القران الكريم الحمد الله

بعدين اخى وصلنى بالعربية وذهب لأنه كان عنده شغل المهم

نزلت فى شارع قبل شارع الادارة بمنطقة طسون

وبعدين حسيت انى تايهه فسألت رجل فكاهانى

ووصف لى الطريق فتذكرت وكانت هناك امرأة عجوز تقف وسمعتنى وانا أسأل

فبعدين لاقيتها ورايا بتسألنى انتى رايحة ىالادارة قلت لها نعن قالت لى وانا كمان خلاص انا هدوديكِ

انا ساعتها استغربت ليه هى قالت لى كدا وافتكرت كلام ماما وبابا وانا صغيرة اللى يقول لك تعالى اوديكى لماما او اى مكان ما ترحى معه

المهم قلت لها لأ شكرا جزاكِ الله خيرا

انا هروح لوحدى انا هعرف

قالت لى لأ بس تعالى وامسكت بيدى والمهم مشت من شارع غير اللى انا اعرفه قلت لها لأيا امى جزاكِ الله خيرا انا هروح لوحدى وبعدين همشى من الشارع التانى علشان انا مش عارفة الشارع ده ومش همشى من مكان ما اعرفه

المهم مسكت فى جامد وما عرفت اسيبها

يا ربى طب اعلم ايه

فضلت ماشية ماشية معها وكل شوية أسألها فاضل كتير تقول لى لأ افتكرت رايا وسكينة

المهم جات فى بالى فكرة وهى اول ما شوفت صيدلية قلت لها ثوانى يا امى هجيب حاجة من الصيدلية قالت لى مش لازم وانتى راجعة جيبى قلت لها لأ ضروووورى المهم رحت سايبه اديها بسرعة ودخلت الصيدلية وجدت شاب واقف القيت عليه السلام وقلت له لو سمحت انا عاوزة افلت من الست دى مش عارفة فهقول ان حضرتك ابن خالى وكدا يعنى قال لى اوك

فقلت لها خلاص يا طنط جزاكِ الله خيرا وجدت ابن خالى وهو هيوصلنى

قالت لى سبيه هو مشغول وانا هوصلك قلت لها لأ شكراااااااااا

المهم فضلت واقفة بردوا قلت لها بقول لحضرتك شكرا

خلاص

بس بئا بصت لى بصة وبعدين مشت طبعا دخلت الصيدلية وشكرت الاخ هذا وبعدين استريحت شوى من الموقف ده بعدين سألته اوصل للأدارة ازاى بئا

ابتسم وقال لى الشارع اللى فى وجهه الصيديلة ده على طول

قلت يا سبحان الله وروحت بئا والحمد الله وصلت بأمان واخذت الشهادة وعدى الموقف

لكن يا سلاااااااام
لا حكايات الف ليلة وليلة

ده كان موقف كل ما افتكرة اضحك واشكر ربنا انى روحت بتنا

الحمد الله معليش طولت عليكم حضرتك اللى فكرتنى بئا


اذكرى لنا موقف محرج تعرضتى له ؟

تانى ماشى

هو
خل على طل فى الموضوع لسة قريب جدااااااا

كنت خارجة انا واصحابى وركبنا مشروع وبعدين انا راكبة فى الكرسى اللى خلف السواق على طول المهم فركب واحد ورايا فالسواق قال له ما معك ولاعة قال له معى

فالاخ اللى وريا بيدفع الاجرة ووبيعطينى لأوصلها للسواق واعطانى معها الولاعة فقلت له لأ انا اسفة اخذت الفلوس وصلتها والاعة لأ

فنظر لى وقال اشمعنى يعنى ما رديت عليه السواق فضل يقول لى هاتى الولاعة منه قلت له لأ انا اسفة

استغرب وأخذها هو وقال له معليش اصل
****

انا ساعتها تتضايقت لكن فى نفس الوقت فرحت انى ما خجلت من الحق ووصلت معنى كيس وهو انكارى لشرب السجائر وانى اقدم له المعونة عن طريق انى اوصل له الولاعة
وهكذا



اسعد واجمل موقف حصل وتفتخرى به حتى الآن ؟

هو انى كنت افعل تحقيق صحفى بالمدرسة عن الحجاب وكان من بين ما سألتهم من المدرسين دار الحوار معه كان مدرس نصرانى

والحمد الله وضحت له فى النهاية ان الحجاب فضل وصح وانه على خطأ
طبعا كانت نتيجة اعتز بيها اوووووووى

والحمد الله الان اسمع عنه خيرا وازعم انه بيحاول فى الاسلام وبيفكر فيه

وهذا كان فى المرحلة الاعدادية

اسوأ موقف او ذكرى حصلت لكى ؟
لأ الحمد الله ما فى
او بمعنى اصح لست متذكرة الان


ماهي نقطة ضعفك ؟

أنى لما بحب حد اووووى من اصدقائى بخلص له اوووووووى

ولما بجرح حد بحس انى مديونة له بعمرى

الحمد الله


القلم نوع من الالم هل جربتى وكتبتى بعض من الامك في هذه الحياة ؟
اكيد طبعا كتبت
وبعتز بالقلم جدا بحس انه احسن صديق لأنه هو الوحيد اللى بيفهمنى لأنه ه اللى بيشاركنى احلامى وأفكارى ألامى وفرحى


انا هكمل اجابة على الاسئلة فى رد اخر

ما الذي يؤثر في نفسك ويجعلها حبيسة للحيرة؟

هو انى ارى حد محتاج لى او طفل بيبكى او منظر مؤلم وما اقدر اساعده او اقدم له شئ فعلى بكون حيرانة ماذا افعل؟؟



كتاب قرأتيهِ ... وما زلتى تعودى إليه بين حين وآخر؟

كتاب بعنوان صرخة بمطعم الجامعة للشيخ محمد العريفى والله كتاب ما اجمله انصحكم بيه



يقال المنزل ... مملكة المرأة ... هل أنتى هذه الملكه؟
لأ طبعا اكيد ماما هى ملكة المنزل
الأزهار والورود ... تضفي للحياة بعدا آخر ... ماموقعها في حياتك؟
اول شئ بحياتى بعد العصافير
حين تكونى بمفردك.... ماذا تفعلين؟

امسك القلم والورقة واحاول اكتب اى حاجة أو أقرأ كتاب أو أجلس افكر فى اى حاجة مش محتاجة حد يعطلنى فيها

هل تتمني أن تكونى في بلد آخر هذه اللحظة ... ماهو البلد؟ لماذا؟

فلسطين .لأنى نفسى اشف الوضع هناك كيف يصير والاطفال كيف عايشين ووكيف يضحكون والنساء كيف يكونون والرجال كيف يستبشرون؟؟؟

وبحب مصر اوووووووووى وبالاخص اسكندرية

لو لم اكن سكندريا لوددت ان اكون سكندريا

آخر موضوع شدك ونال على إعجابك في المنتدى ؟


موضوع ورقة اللتى كتبته صفوة



لمن تمنحين هذه الالقاب

:
طيب...........الحلوانى والدليل الاسئلة اللى مكتوبة لى هههه بهزر حضرتك فعلا
طيبة ..........ملك
حكيم.........الحلوانى

حكيمة ...صفوة
مش عارفة....مرح
مرحة .....ملك
صاحب القلم .........ممدوح السروى
صفوة.........صاحبة القلم
قادم بقوة ...........احمد عبد القادر
قادمة بقوة .........صفوة
طموح ..............الحلاونى
..رونى.......... طموحة

ماذا قدمتى للمنتدى حتى الآن ؟

ولله ليس كل ما عندى ان شاء الله

ما مدى رضى الاعضاء عنك؟

مش عارفة دى حاجة ترجع للأعضاء هما اللى مفروض يجابوا عليها


هل كان لكى التواجد السريع والرد في المنتدى ؟

يعنى الحمد الله


هل طرحتى مواضيع .. أه الحمد الله.... أم نقلت مواضيع من بريدك أو من منتديات
اخرى؟
أه نقلت بعض المواضيع من منتديات وموضعين من على البريد

ماهي المواضيع التي طرحتيها اذكرى على الأقل (5) مواضيع

بكى الحبيب وانت لم تنزرف دمعة من عيناك

ما رأيك بفتاة الانتر نت

خاطرة جئت اعتذر

خاطرة حوار بينى وبين قلمى

خاطرة عشقت الخيال

و كانت هذه المواضيع لكى في أي قسم ؟ فى القسم الاسلامى والعام تارة وهمس المشاعر

وما احبها اليك .؟ . كلهم بصراحة واولهم بكى الحبيب وانت لم تنزرف دمعة من عيناك


الى أي مدى انتى حره ......وما هي قيودك.....؟

فى حدود الشرع الدين والقيود بردوا فى حدود الشرع والدين

هل تري انكى مظلومه في دنياك.......؟

لأ الحمد الله اشعر انى لست مظلمة بعدين يا ريت يا بخت من بات ظلم ولا بات مظلوم

هل تؤمنين بالحظ.....اذا كنت.... فهل تري انكى سيئة الحظ.....؟


لأ ولكن أؤمن بالقدر والحمد الله اشعر أن الله دائما يقدر لى ما هو خير وانى ليسة سيئة القدر الحمد الله

ما مدى الاتفاق والاختلاف بين عقلك وقلبك......ومن اقوى فيهما....؟

الاتفاق بين العقل والقلب اعتقد صعب ان يكون عندى وعند كثير من الناس لكن الاختلاف ممكن ولكن يمكن ان يكون بنسبة كبيرة ويمكن ان يكون صغيرة يعنى بنسب متفاوتة وبعدين فى امور يجب ان يتعامل معها العقل وهناك امور يجب ان يتعامل معها القلب وكل شئ خلق لوظيفة يجب ان يؤديها على حق وانا الحمد الله بحاول اكون كدا


هل ترى ان حياة الانسان فيلما تنتهى احداثة بموته؟؟؟؟

اممممممم فعلا وجميل تصوير حضرتك لحياة الانسان فعلا هى مثل فلم وهو البطل فيه يعيش فى صراع بين الخير الشر ومنهم من يكون نهاية الفيلم عربى ويكون خير ومنهم من يكون اجنبى ويكون أعذنا الله

ندعوا الله ان يكرمنا يجعل خاتمتنا خير ان شاء الله اللهم امين





ايه معلوماتك في الكمبيوتر والنت.......؟

يعنى ولا كتيرة ولا بسيطة كويسة الحمد الله

ايه اكتر حاجه بتحبيها في كل من :
الاكلات............صنية الكوسة وعلى فكرة النبى عليه الصلاة والسلام بيحبها اووووووى واتمنى ان يكون حبى لها سنة




...........المطاعم
بصراحة ما بحب امور الانعرة دى ومطعم بئا وبتاع
انا احسن مطعم بحبه هو بيتنا على الاقل الواحد هيضمن انه ما تجيله انفلونزا الخنازير ههههههههه




سائل المواصلات

الميكروباص


انواع السيارات

ماتركس


المصايف

احلى مصيف فى بيتنا اصل احنا فى اسكندرية يعنى



الفصول

االشتاء




الالوان


الاحمر


الملابس


ماركة يعنى؟؟اممممممممممم
مش عارفة لكن اللى اعرفه انى اكتر حاجة بحبها وبفضلها النقاب

الحمد الله الذى هدانى لأرتدائه بدرى.....بدرى


الشنط

شنطة ماركةgdالاصلية



الهوايات

الانشاد والكتابة


الطفوله

احسن حاجة ببحها فى الطفولة هى الاحساس بالطفولة

المراهقه


الحمد الله ان ربنا رزقنى العقل والتفكير بنضج فى هذه المرحلة وعدم التصرفات الطايشة بتاعة البنات
فى هذا السن



المشاهير

الداعية الاسلامى مصطفى حسنى

الاغاني

بصراحة ما بسمع الحمد الله الذى هدانا فأنها مزمار الشيطان

لكن فى أغانى وطينة كنت بحب اسمعها بصراحة كل اغانى عبد الحليم الوطنية
والان الضمير العربى




الافلام

الرسالة ههههههه بجد الله ولازم اعيط فى اخره



المسلسلات

عادى واالله ايام ما كنت بسمع ما فى حاجة علقت معايا




المسرحيات

العيال كبرت......... مدرسة المشاغبين


الحكم

خير الكلام ما قل ودل واذا كان الكلام من فضه فالسكوت من ذهب



الامثال

لا اعرف

الاحاديث

قال رسول الله صلى الله عليه وسلم"من قال سبحان الله وبحمده مائة فى يوم مائة مرة غفرت له ذنوبه ولو كانت مثل زبد البحر"

صدق الحبيب المصطفى وطبعا اكيد احب كل كلام المصطفى واقتنع بيه تمام الاقتناع مش ناس يسمون القرأنيون عافانا الله عزوجل


سور القران

كل القرأن ولكن احب اوووووووى احبهم الى قلبى سورة الزمر بحبها اوووووووووى

الشيوخ

محمد حسان

الثوار

جمال عبد الناصر


الفدائيين
جميلة بو حريد


الرؤساء
طبعا طبعا طبعا الريس ربنا يخليهولنا
ويطول لنا فى عمر يا رب ويزيده كمان وكمان

يا سلاااااااام طبعا بحب الريس

جمال عبد الناصر وهى دى عاوزة كلام ههههههه



البلاد

مـــصـــــــر



الشعوب
اهل مصر

اهل مدينتك


الحمد الله كلهم كويسين يعنى من التعامل والشاهمة والرجولة


المنتدى

كل الاعضاء وملك الجميلة على الراس



اصحابك

صجبتى سارة sasoهنا معانا بالمنتدى



انواع القلوب

الطيبة الطاهرة المعبئة بحب الله



نفسك

بحب فى نفسى انا الحمد الله

هل ضربك أحد امام الناس ؟ .. و لماذا ؟ و من كان الفائز ؟

لأ بصراحة الحمد الله ما حصلتش وما اتمنى انها تحصل اضرب انا اه ههههه

اين كنت تجلسين في الفصل الدراسى ؟ في الامام حيث المجتهدون ام في الخلف مع اصحاب المشاكل ؟

بصراحة بصراحة فى الخلف

أتعلم حضرتك كنت بقعد فى الاول احيانا ولما يبقى فى مراقبين ولا حد زائر للمدرسة بسرعة ينقلونا وارا انا وبعض اصحابى علشان ايه

الفكرة اللى حضرتك قلتها كدا

لكن الناس دى بقت ذكية الى حد ما وكانت بئا تقوم اللى قدام يا سلام على الكسفة

انا بئا بصراحة يعنى بحب اقعد ورا مش عارفة ليه علشان ابقى براحتى ووبعدين لما الطالب الكويس يقعد ورا ينشط الفصل والله عن تجربة يعنى



اذا اتصل عليكى شخصا لا تعرفينه و هددك بقتلك عند خروجك من المنزل هل ستخرجين ؟


نعم سأخرج لأظهر له انى لست خائفة منه حينها ه اللى هيخاف ومش هيقدر يعملها لازم الواحد يواجه

لسة شوية صغننين تانى
أنا جى

أهئ أهئ أهئ

كل دى أسئلة ولسة تانى

يا معين يا رب


تشرف ابى الفاضل يا رب اكون وفيت الاجابة

جزاك الله خيرا

سلام الله عليكم ورحمته وبركاته

جيت تانى يا رونى

أهلا بحضرتك


كل شخص منا جواه نسبة حزن ياترى نسبة الحزن جوه رونـى كام في المية؟

25/100